Bartamaha — Video-gan taariikhiga ah ayaa ku tusinaya dowladnimadu qiimaha ay leedahay iyo Soomaaliya markay Soomaaliya ahayd.

Booqashadan ayaa dhacday 27kii Nofeembar sanadku markuu ahaa 1962, Raiisal Wasaaraha Jamhuuriyadda Soomaaliya C/rashiid Cali Sharmaarke iyo wafdi uu hogaaminayo ayaa booqasho ku tagay dalka Maraykanka halkaas oo ay ku soo dhoweeyeen gacmo furan madaxda Maraykanka oo uu hogaaminayo Madaxweynaha dalka Maraykanka John F. Kennedy.

Raiisal Wasaaraha ayaa booqanaya magaalada Washington DC, New York iyo Puerto Rico. Markuu New York tagana waxaa la siinayaa furaha magaalada, sidoo kale intuu duulimaadkiisu socdo wuxuu ku safrayaa diyaaradda AIRFORCE 1 ee uu leeyahay madaxweynaha Maraykanka, waana qofkii ugu horeeyay oo madax dal kale ah oo ku duula diyaaradaas.

Videogan ayaa markhaati ka ah xushmadda iyo sharafta ay Soomaaliya lahayd beri (Fadlan tus caruurtaada iyo weliba intii aan ogayn in Soomaaliya ay sidaan ahayd, Insha Allaah waan kusoo noqonaynaa)

Comments

comments