Bartamaha(Muqdisho):-Dagaal qaraar oo u dhexeeyay Ciidanka Ahlu sunnah iyo Kuwa Islaamiyiinta ayaa saaka ka dhacay xaafadaha ku dhow Suuqa Bakaaraha.

Dagaalka saaka oo ahaa mid xoog badan ayaa la xaqiijiyay in askarta Ahlu sunah ay gaareen wadooyinka gala Suuqa Bakaaraha Magaalada Muqdisho.

Sida wararkii ugu danbeeyay aynu ku helnay waxaa dhintay 3-ruux 5-kalana dhaawacyo ayaa soo gaaray oo ka kala tirsan kooxaha rasaasta isdhaafsanayay oo saaka xilli hore dagaal ku dhexmaray wadooyinka Bakaaraha gala.

Wadada dagaalka ugu xoogan ka dhacay ayaa ahayd isgoyska How-Wadaag oo ay saldhig ku leeyihiin Maleeshiyaadka Xizbul Islaam kuwaasi oo in mudda ah iska caabinayay askarta Ahlu sunah oo weerarka ku soo qaaday wadooyinka Bakaaraha laga galo.

Wax war ah kala soo bixin labada dhinac ee dagaalka xooga badan uu ku dhexmaray wadooyinka Suuqa Bakaaraha laga galo wallow saamayn balaaran uu dagaalka saaka ku yeeshay dadka shacabka ah.

Xafiiska www.Bartamaha.Com

Muqdisho-Somalia

Comments

comments