Shabelle: BALADWEYNE

 

Qaraxyadani oo la sheegay in mid ka mid ah lala eegtay gudoomiyaha degmada Baladweyne ee gobolka Hiiraan Shiikh C/raxmaan Ibraahin Macoow kaasi oo mararay agagaarka Ajabka ee Baladweyne.

 

In kastoo aan si rasmi ah loo ogeyn qasaaraha ka dhashay qaraxyada maanta ka dhacay magaalada Baladweyne ayaa hadana wararaka naga soo gaaraya waxaa ay sheegayaan in dhowr qofood la geeyay cibitaalka magaaladaasi kuwaasi oo ay dhawacyo ka soo gaareen qarxyada ka dhacay Baladweyne  maanta.

 

Kadib qarxyada ka dhacay Baladweyne ayaa waxaa  magaanada lagu soo daadiyay Ciidamo badan oo ka tirsna kuwa maxkamadaha oo wata gaadiidka dagaalka waxaana dadka ay sheegeen in ay arkayeen dad saaran gaadiidkaasi oo u muuqdaya in ciidamada maxkamadaha ay u qabqabteen qarxaasi.

 

Saraakiisha maxkamadaha islaamiga ayaa waxaa ay magaalada Baladweyne ku soo rogeen bandoow aan la ogeyn xiliga uu bilaabanayo iyo xiliga ay ka qaadayaan.

 

Shacabka magaalada Baladweyen ayaa isaga xarooday xaafadahooda iyagoo ka tagay goobahooda ganacsi iyo waxbarasho kuwaasi oo ka cabsi qaba in ay waxyeelo ka soo gaarto xaalada kacasan ee magaalada ka taagan.

 

Magaalada Baladweyne oo ay ka jiraan xiisado u dhexeeya maxkamadaha islaamiga ee taabacsan dowlada kmg iyo mucaaradka hubeysan ee halkaasi ku sugan ayaa waxaa ay xaaladeeda tahay mid isbad badal badan oo u dhexeeya dhinacyada is haya xili ay jireen qaraxyo iyo dilal qorsheeysan oo ka dhacayay gudaha magaaladaasi

Comments

comments