Bartamaha(Muqdisho):-Kooxo aan la garan ayaa Xalay qarax Bam la beegsaday hoyga wasiirka Cadaalada Dowlada KMG ah kaasi oo ka badbaaday qaraxaasi lagu tuuray guriga Wasiirka.

Qaraxa ayaa waxa uu ahaa Bam nuuca gacanta laga tuuro kaasi oo lala beegsaday guriga uu ka daganyahay Xaafada Buula Xuubey Wasiirka Wasaarada Cadaalada iyo Garsoorka Shekeh C/raxmaan maxamuud faarax Janaqow.

Qaraxa ayaa waxa uu ku dhacay gudaha hoyga wasiirka wallow la sheegay in aanu geysan wax qasaara ah marka laga reebo burbur xoogan oo gaaray qeyb ka mida guriga Wasiirka uu daganaa oo uu qaraxa Bamka ka dhacay.

Wasiirka Cadaalada iyo Saraakiil kale ayaa xiliga qaraxa lagu soo weerarayay waxa ay ku sugnaayeen guraha hoyga wasiirka iyadoo aanay wax saamayn ah gaarin halka ay ku fiidasanayeen Wasiirka Cadaalada iyo saraakiil la joogtay sida uu sheegay mid ka mida Xoghaynada wasiirka.

Ciidanka ilaalada wasiirka ayaa bilaabay in ay rasaas jiho walba u ridaan si ay u baacsadaan kooxda qaraxa geysatay oo ka baxsatay ciidamada markii ay fuliyeen qaraxaasi ka dib.

ma jiro wax war ah oo ka soo baxay Wasiirka Cadaalada iyo Garsoorka Dowlada KMG ah Sheekh C/raxmaan Janaqow oo xalay qaraxaasi lala beegsaday.

Xafiiska Wararka Soomaaliyeed www.Bartamaha.Com

Muqdisho-Somalia

Comments

comments