Bartamaha(Gaal-Kacyo):-Qarax Bambaano ayaa Xalay lagu weeraray Ciidamo Booliiska Magaalada Gaal-Kacyo ka tirsan kaasi oo dhimasho iyo dhaawac sababay.

Qaraxa ayaa waxaa lala beegsaday gaari marayay Xaafada Garsoor ee Magaalada Gaal-Kacyo kaasi oo sababay dhimashada 2-Askari iyo dhaawaca 4-ruux oo kale oo Askar ay ku jireeen.

Rasaas culus ayaa laga maqlay Magaalada ka dib qaraxaasi Bambaano ee lagu tuuray gaariga Booliiska ay saarnaayeen taasi oo sababtay in dhammaan goobaha ganacsiga ay xermaan dadkuna Xaafadaha ay u kala cararaan.

Taliska Booliiska ayaa qiray in ay jiraan waxyeelada Ciidamada Booliiska gaartay balse ay wadaan baaritaaso la xiriira ciddii ka danbaysay Qaraxa qasaarada geystay ee ka dhacay Magaalada Gaal-Kacyo.

Qaraxa Xalay dhacay ayaa imaanaya xilli Magaalada maalmihii la soo dhaafay ay howlgalo ka wadeen Ciidamada Booliiska iyo kuwa Nabad sugida si wax looga badalo Ammaanka Magaalada oo bishii la soo dhaafay si weyn u halis u galay.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments