Bartamaha (Muqdisho):- Qarax xoog badan ayaa maanta lala beegsaday gaari ay wateen Ciidanka Ahlu sunnah wal Jamaaca gudaha Magaalada Muqdisho.

Qaraxa ayaa waxa uu ahaa Miino dhulka loogu aasay askarta Ahlu sunnah xilli ay marayeen wadada Ex-Control halkaasi oo Miinada ay kula kacday gaariga dagaalka ee Ahlu sunnah.

Miinada nuuca rumuudka ayaa waxaa la sheegay in ay ka kacday bartamaha Laamiga xilli uu dul marayay gaari nuuca Cabdi Bilaha loo yaqaano oo ay askarta saarnaayeen.

Nin ka mida saraakiisha Ahlu sunnay oo magaciisa lagu sheegay Caabi dheere ayaa qaraxa ku naf waayay markii gaariga uu dhalaalay waxaana sidoo kale geeriyooday askari caadi ah halka 5-kala dhaawac halis y badan uu soo gaaray.

Maraka qaraxa dhacay ayaa waxaa ciidanka u gurmaday askarta Dowlada ee sibaarada u taalo Ex-Control Afgooye kuwaasi oo maydadka iyo dhaawaca ka soo wada qaaday wadada qaraxa uu ku haleelay Ciidankaasi Ahlu sunnah Muqdisho ka tirsan.

Ma aha qaraxii ugu horeeyay ee Ciidanka ahlu sunnah iyo kuwa Dowlada lala beegsado wallow askarta ahlu sunnah ay u noqonayso maalin madow markii qaraxaasi looga dilay sargaal sare oo ahlu sunnah ah .

Xafiiska www.Bartamaha.Com Ee Afrika

[email protected]

Comments

comments