Baratamaha(Muqdisho):-Xaalada Magaalada Muqdisho ayaa saaka dagan xilli shalay illaa Xalay Magaalada dagaal iyo duqeyn dad badan ay ku la’deen uu ka socanayay.

Xaafadaha Degmooyinka Hodon,How-Wadaag,Wardhiigley iyo Boondheere ayaaa laga dareemayaa daganaan aan caga sidaa u buuran ku taagnayn waxaana jira qasaara shacabka gaaray 24-kii saac ee la soo dhaafay in uu sii badanayo.

Isbitaalada Dayniile iyo Madiina ayaa waxaa buux dhaafiyay dhaawacyada dhibanayaasha shacabka Muqdisho oo  shalay illaa xalay madaafici iyo dagaal uu ka dul dhacayay.

Dadka dhaawacyada ah ayaa waxa ay ku kala dhaawacmeen Degmooyinka Suuqa Bakaaraha uu hoostago waxaana sidoo kale jiray dhawacyo badan oo shacabka ku soo gaaray Wadada Dabka.

Dagaal aan dhammaad lahayn ayaa shalay dhan ka socanayay wadada Dabka waxaana rasaasta ay ahayd mid fududu oo aan marnaba ka joogsan wadadaasi Dabka.

Labada Koox ee Alshabaab iyo Ahlu sunnah ayaa waxa ay isku hayaan Jidka Dabka gaar ahaan agagaarka Ex-Baar Raaxo oo ay isaga soo horjeedaan labada dhinac.

Rasaasta ay isdhaafsanyeen iyo madaafiic ay isku garaacayeen ayaa waxaa ku dhaawacmay in ka badan 50-Ruux shalay illaa xalay oo kaliya waxaana dhimashada la ogyahay ay gaaraysa 17-ruux oo shacab ah.

Lama qiyaasi karo qasaaraha kala gaaray labada Koox maadaama ay isku dagaalayaan shacabka dushiisa oo waxa la’anayaa ay shacab u badanyihiin taasi oo sababaysa in qasaarahooda uu qarsoomo.

Xafiiska www.Bartamaha.Com

Muqdisho-Somalia

Comments

comments