Bartamaha(Muqdisho):-Xaalada Muqdisho ayaa saaka deggan ka dib dagaal kharaar iyo duqeymo ka dhacay Xaafadaha Woqooyiga Muqdisho.

Xaalada Magaalada ayaa saakaa ah mid dagan markii dagaal xoogan uu shalay ka dhacay Muqdisho islamarkaana Xalay duqeyn ba’an loo geystay xaafadaha Woqooyiga Magaalada.

Xaafadaha Sanca,Shibis,Siinaay,Boondheere,Suuq Bacaad,Heliwaa,Jamhuuriyo,Arjantiin,Fagax, ayaa la duqeeyay waxaana inta badan xalay ku socanayay Madaafiic.

Madaafiicda ayaa waxa ay ahaayeen kuwa isdaba joog ah waxaana ku dhamaadaay dad shacab ah oo aan waaxba gaalabsan sida ay sheegeen qaar ka mida dadka dagan Xaafadaha xalay la garaacay.

Madaafiicda Xalay ayaa waxa ay ahaayeen kuwa ka duwan kuwii magaalada looga bartay waxa ayna socdeen muddo 5-saacadood oo xiriir ah oo si gaar ah loo duqeynayay woqooyiga Magaalada.

Shalay ayaa waxaa alshabaab ay qabsadeen Degmada shibis iyo qeybo ka mida Degmada Boondheere oo aad ugu dhow Madaxtooyada Villa Somalia waxaana taasi ay sababtay in Amisom ay xalay aar sadaaan dhul balaarsigii alshabaab.

Saaka xaalada waxa ay u muuqataa mid dagan waxaana xilli waliba dhici kara dagaal maadaama alshabaab ay ku dhwaadeen Madaxtooyada oo dhanka Shibis iyo isgoyska Jubba ay ka qabsadeen Ciidanka Dowladana ay ku sii siqeen Madaxtooyada.

Xafiiska www.Bartamaha.Com

Muqdisho-Somalia.

Comments

comments