Bartamaha(Muqdisho):-Muqdisho oo maalmihii la soo dhaafay ay ka taagnaayeen dagaalo ay duqeyma la socdeen aya saaka waxa ay tahay mid xasiloon iyadoo aan wax rasaas ah laga maqlin magalada.

Xilligii danbe ee shalay ayaa magaalada waxaa ka taagnaa dagaal xoogan oo ka dhacay jihada Woqooyi ee magaalada halkaasi oo ay isku rasaaseeyeen kooxaha isku haya magaalada iyadoo dagaalkaasi ay barbar socdeen madafiic ay magaalada uqeybiyeen askarta Amisom.

Xaalada ayaa saakay oo idil waxa ay ahayd mid xasiloon iyadoo dhagaha dadka reer muqdisho ay ka reesteen manta rasaastii ay maqli jireen taasi oo ay waxyeela ka soo gaari jirtay dadka reer muqdisho.

Dhanka kale magaalada ayaa waxaa manta iyo shalay ka taagnaa Barakicii ugu badnaa iyadoo ay xaafadaha dadka rayidka ah ee lagu duldagaalamay ay noqdeen kuwa haawanaya.

Wadada aada dhanka Afgooye ayaa waxaa gabi ahaanba ay noqotay mid ay buuxiyeen gawarida ay dul saaranyihiin alaabaha guryaha kuwaasi oo ay la socdaan qoysas iska kaashada sidii magalada ay kaga bixi lahaayeen.

Xarunta Wararka Xaqiiqda ah www.Bartamaha.Com.

Muqdisho-Somalia.

Comments

comments