Bartamaha (Muqdisho):- Dadka reer Muqdisho ayaa saaka ku soo rtoosay dhawaqa Hubka Nuucyadisa kala duwan oo ka dhacaya xaafado ka mida Degmada Hodon Muqdisho oo Amisom ay isku balaarisay.

Dagaalka saaka hurdada looga toosiyay dadka caasimada dagan ayaa waxa uu ka socanayay fagaaraha Terbuunka ka dib markii Islaamiyiinta Xizbul Islaam iyo Shabaab ay weerar laba jiho ah ku qaadeen Ciidanka AMisom oo shalay soo dagay Isbitaalki Xooga dalka.

Dagaalka oo ah mid  weli socanaya ayaa xoogaga Islaamiga ah ay ku dhawaadeen saldhiga Ciidanka Amisom ay dageen oo ah Isbitaalkii Xooga dalka  oo aad ugu dhow Fagaaraha Terbuunka.

Dagaalka ayaa waxaa la isku adeegsanayaa Hubka Nuucyadiisa kala duwan iyadoo ay barbar socdaan Madaafiic aad u culculus oo labada dhinac ay isdhaafsanayaan iyadoo askarta Dowlada ay dagaalka socanaya qeyb ka yihiin.

Shalay ayaa waxaa dagay Isbitaalkii Xoogaga Ciidanka Burundi oo ka mida kuwa Amisom waxaana meel aan ka dheereen la dajiyay askarta Dowlada KMG ah sida ay saraakiisha Booliiska saxaafada ugu soo bandhigeen hormarka ay ka gaareen isbalaarintooda Degmada Hodon.

Saraakiisha haysata Ciidanka Booliiska ayaa saxaafada u soo bandhigay saldhiga ay qabsadeen iyo halka ay dageen askarta Amisom iyadoo muuqaalada Ciidanka Amisom ay ahaayeen kuwa doonaya in ay hormar ka sii gaaraan dagaalada.

Dagaalka socanaya iyo qasaaraha shacabka soo gaaraya oo faahfaahsan www.Bartamaha.Com ayaad kala socon kartaa Insha allaah

Daawo Sawirada:-

Xafiiska www.Bartamaha.Com Ee Bariga Afrika.

[email protected].

Comments

comments