Kooxaha Islaamiyiinta ee la dagaallamaya ciidamada dowladda Soomaaliya ayaa lagu waramayaa inay ku sii siqayaan oo ay u dhaw yihiin qarsiga madaxtooyada magaalada caasimada ee Muqdisho.

Dagaalka ayaa lagu tilmaamay inuu yahay kii ugu qaraaraa ee ka dhaca magaalada Muqdisho muddo dhawr bilood ah.

ilaa 25 kun oo qof ayaa ka qaxay dagaalka. In ka badan 100 ayaa ku dhintay shantii maalmood ee u danbeeyay .

Warar sirdoonka iyo dhinaca militeriga laga helay ayaa sheegaya in qaar badan oo ka mid ah ciidamada dowladda inay isaga tageen oo ay ku biireen mucaaradka. Dowladduna ay qarka u saaran tahay inay burburto.

Kooxda maliishiyada islaamiga ah ee Alshabaab ayaa Mareykanku ku tilmaamaa inay tahay urur argagaxiso.

Qaramada Midoobay ayaa iyana weerarkan ugu danbeeyay ee ka dhacay Soomaaliya ku tilmaantay afganbi ka dhan ah dowlad sharci ah.

Xigasaho   – BBC Somali

Comments

comments