Bartamaha (Cape-Town):-

Waxaa shalay shalay galab magaalada cape town ka furmay shir sanadeedkii  1aad jaaliyadda somalida ee k/Africa  waxaana soo buux  dhaafiyey wixii somali ahaa oo ay u suurta gashay meesha lagu qabtay shir sa

adeedka  1aad  ee jaaliyadda somalida ee dalkani oo ah xarun ay iibisay jaaliyadda somalida ee magaalada cape town oo la yiraahdo  Markaz ASSunnah  oo ku yaalo xaafada ay Soomaalida u badan tahay ee Bellville

Shir Sanadeedkani ayaa waxaa soo agaasimay hey’adda Culumada Soomaalida ee Albayaan ayaa waxaa muxadarooyin aan la soo koobi Karin ka jeediyay culumo waaweyn kuwasi oo maalmihii lasoo dhaafay dalka K/Africa soo gaaray.

Culumada Ka Qeyb galaya Shir Sanadeedka 1aad ee jaaliyadda somalida  ayaa waxaa ka mid ah culimada waaweyn ee somalida dhexdooda caanka ka ah laguna yaqaano diin faafinta waxeyna kala yihiin sidan: Sheekh Maxamed Idiris  axmed, Sheekh Maxamed Cabdi Umal iyo Sheekh Maxamud Maxamed Shible oo ka mid ah culumada Sida aadka ah looga qadariyo aduunka.

Goobaha Ganacsiga, madarasadaha  ayaa ah kuwo fasax ah iyadoo la isku diyaarinayo ka faaiideysiga  muxaadarooyin gaaraya ilaa 15 mudaxaarado oo  ay soo jeedin doonaan caalimiintaasi waaweyn oo shalay subax soo gaaray magaalada cape town waxaana la filayaa iney ka faaiideysan doonaan haweenka, caruurta  iyo dhalinyarada ,ayadoo ay haweenka iyo caruurta ay shalay noqdeen kuwii ugu badnaa ee meesha soo buuxiyay.

Shirweynaha ayaa furmay 5ta Galabnimo ayaa waxaa xiriirinayay Sheikh Maxamud Sheekh Maxamed Adar oo ka mid ah culumada Soomaalida K/Africa halka Sheekh Xuseen Shibis uu ka warbixiyay Ajandaha Shir Sanadeedka Koowaad ee markii ugu horaysay lagu qabtay dalkani

Mu’tamarkana ayaa ka  socon doono sida la qorsheeyey magaalada cape town ee k/afrika ilaa 5 maalmood oo xiriir ah waxaana dadka ay u caaboon yihiin ka faaiideysiga muxaadarooyinka  ay jeedin doonaan culimada muftiyaasha ah

Liibaan Cali (Duceysane)
Cape town koofur africa 

DAAWO SAWIRADA:-

Comments

comments