BARTAMAHA – Wararka laga helayo Demada Marka Ee Xarunta Gobolka Shabellaha Hoose ayaa sheegaya in mid kamid ah Maleeshiyada ku Dagaalamaya Gobolka Shabellaha Hoose ay la wareegeen Degmada Marka.

Goobjoogeyaal ayaa Idaacada Kulmiye ee Magaalada Muqdisho u sheegay in Labada Dhinac uu Magaalada Dagaal ku dhexmaray islamarkaana uu jiro Khasaaro Dhimasho iyo Dhaawac ah oo Shacabka iyo Labada Dhinacba kala Gaaray.

Warka ayaa intaa ku daraya in Rasaas Teelteel ah laga Maqlayo Xaafado ka mid ah Magaalada Marka ee Gobolka Shabellaha Hoose.

Dhanka kale iimaam C/laahi Qaliif Rooble oo u hadlay mid kamid Beelaha Shabellaha hoose ku dagaalamaya ayaa ugu baaqay Maleeshiyada Degmada lawareegay in aysan Dadka Dhibateen oo ay si wanaagsan ula dhaqmaan.

Comments

comments