Bartamaha (Gaal-Kacyo):-Maydadka Laba wiil oo dhalinyara ah jirkoodana rasaas ay ka muuqatay ayaa saaka lagu arkay qabuura ku yaala Woqooyiga Magaalada Gaal-Kacyo Ee Xarunta Gobolka Mudug halkaasi oo dadweyna badan ay ku xoomeen maydadkaasi.

Wararka naga soo gaaraya Woqooyiga Magaalada Gaal-Kacyo ayaa sheegayaa in saaka maydad laba dhalinyara ah lagu arkay qabuuraha Cirjiife Ee Woqooyiga Magaalada Gaal-Kacyo.

Wararka ayaa sheegaya in labada dhalinyarada ah lagu arkay jirkooda rasaas ay u geeriyoodeen iyadoo aan la garan cidii ka danbaysay dilka raggaasi la soo dhigay goobta qabuuraha ah.

Ciidamada Maamulka Puntlnad ayaa la sheegay in saaka ay gaareen goobta qabuuraha ee la soo dhigay maydadkaasi iyadoo la xaqiijiyay in halkaasi ay ka qadeen Ciidamada Maydadkii wiilasha la dilay .

Maalmihii la soo dhaafay ayaa ammaan daro baahsan laga dareemayay Magaalada Gaal-Kacyo labadeeda dhinac oo ay ka kala taliyaan Puntland iyo Maamulka Gal-Mudug Satate oo labadooda Ciidan Howlgalo joogta ah ka sameeyaan Magaaladaasi.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments