Madaxweynihii hore ee dalka Masar ayaa la filayaa in saacadaha soo socda xabsiga laga sii daayo kadib markii ay maxkamada dambiyada ee dalka Masar go’aamisay in dhammaan dambiyadii loo haystay Xusni Mubaarak lagu waayay uuna mudanyahay in xorriyadiisa loo soo celiyo.

Mubarak oo 85 jir ah ayaa kacdoon ka dhacay dalka Masar sannadkii 2011-kii looga tuuray xukunka, waxaana haatan dalka qabsaday militariga oo Mubarak ay aad isugu dhowyihiin maadaama uu kamid ahaa saraakiishii ciidamada dalkaas ee ka qaygalay dagaalladii lala galay Israel.

Waxaana wararka sii dayntiisu ay soo baxeem markii uu militarigu xukunka ka tuuray madaxweynihii isaga ku xigay ee lasoo doortay Maxamed Mursi, waxaana Ikhwaan Muslimiinku ay ku baaqeen in sii daynta Mubarak ay muujinayso in markale ay taageerayaashiisa dalka la wareegeen, waxayna ku baaqeen isu soo baxyo horleh.

Comments

comments