Bartamaha (Baladweyne):-Roobab xoog leh oo ka da’ay magaalada Beledweyne ee gobolka Hiiraan ayaa sababay daadad iyo fatahaad webiga Shabeelle, taasi oo ku qasabtay in dad badan ay ka qaxaan magaalada.

Qoysas badan oo ku noolaa qaar ka mid ah xaafadaha magaalada Beledweyne ayaa xalay ka qaxay guryahoodii kadib markii ay naftooda u cabsadeen kadib fatahaad ka biloowday magaaladda Baladweyne.
Dad goob joogayaal ah ayaa sheegay in ilaa iyo hadda uu socdo qaxa iyo dadka ka cararaya in ay dhibaato ka soo gaarto fatahaada.

Wararka qaar ayaa sheegay in Bartamaha magaalada qeybo ka mid ah biyuhu soo galeen, oo dadku ay kala baxeen hantidooda, iyadoo qaarna ay waqt u waayeen in ay qaataan, waxaana ay halkaasi kala baxeen carruurta oo keliya.
Roobabka xoogga leh ayaa sidoo kale waxa ay ka da’een gobollada la deriska ah Hiiraan balse wali lama soo sheegin wax qasaaro oo ka dhashay roobabkan.
Dhawaan ayay aheyd markii burbur uu ku yimid Buundadii Liiq-Liiqato ee magaaladda Baladwayne u aheyd xududunta taasi oo dhibaato ku keentay dhaqdhaqaaqa magaalada Baladweyne.

Bartamaha, Nairobi-Kenya

Comments

comments