Garoowe_ Madaxweynaha dowlada Puntland Cabdiweli Maxamed Cali Gaas oo uu weheliyo ku xigeenkiisa C/xakiim Cabdullaahi Cumar ayaa maanta madaxtooyada Puntland kula kulmay madaxa JPLG Somaliya Patrick Doung.

Kullanka oo ahaa mid isbarsho ah ayaa waxaa sidoo kale kaqaybgalay saraakiisha madaxtooyadda iyo hawlwadeenadda mashruucani.

Madaxweynaha Puntland Cabdiweli Maxamed Cali Gaas ayaa u gudbiyay saraakiisha JPLG baahida xiligani loo qabo sidii dhakhso loo fulin lahaa hawlaha mashruucani la doonayo in lagu qabto.

Madaxweynaha ayaa sheegay in xukuumadisu ay kadhabayn doonto balan qaadkii ay u sheegtay bulshada, kaasi oo ku aadana in la baahiyo oo latayeeyo maamul wanaaga.

Madaxweyne Cabdiweli ayaa intaasi raaciyay in si loo gaaro midaasi loo baahan yahay in mahaariicada horumarineed si isku mid ah loo gaarsiiyo deeganada saaran laamiga iyo kuwa ka baxsan.

Kullankaan ayaa horudhac u ah shir maalinta beri ah ladoonayo in lagu qabto magaalada Garoowe, waxaana looga hadlayay sidii dib loogu bilaabi lahaa mashruuca JPLG, loona dar dar gelin laha mashaariicda horumarineed.

Mashruuca JPLG ayaa Puntland ka shaqeynayay tan iyo 2008, waxana uu ka shaqeeyaa  horumarinta degmooyinka iyo baahinta maamul wanaaga.

 

 

Comments

comments