Nairobi_ Madaxweynaha dowlada Puntland Dr. Cabdiweli Maxamed Cali Gaas  iyo wafdi uu hogaaminayo ayaa gaaray magaalada Nairobi ee xarunta dalka Kenya, kadib casumaad rasmiya oo ay ka heleen dowlada dalkaasi.

Madaxweynaha oo safarkiisa ku weheliyaan xubno katirsan golihiisa wasiirada, gaar ahaana wasiirka ganacsiga Maxamuud Xasan Soocade  iyo wasiiru dowlaha madaxtooyada iyo xiriirka caalamiga ah Dr, Maxamed Cabaas ayaa waxa ay soo dhoweyn kala kulmeen siyaasinyin kasoo jeeda Puntland, jaaliyada iyo masuuliyinta safaarada soomalida ee dalka Kenya.

Siyaasiyinta kaqaybgalay soo dhoweynta madaxweynaha iyo wafdiga la socada ayaa laga xusi karaa wasiirkii hore ee amniga Puntland Khaliif Ciise Mudan, Wasiirkii hore ee maaliyada Faarax Cali Shire, Wasiirkii hore ee waxbarshada Cabdi Faarax Siciid Juxa iyo Siyaasi Maxamed Siciid Xirsi Moorgan.

Madaxweyne Cabdiweli Gaas ayaa saxaafada usheegay in mudada uu joogo Kenya uu lakulmi doono madaxda dalka Kenya, madaxweynaha ayaa intaasi ku daray inu kala hadli doono madaxda dalkaasi sidii loo xoojin lahaa xiriirka ka dhexeeya Puntland iyo dowlada Kenya.

 

Comments

comments