Bartamaha(Gaal-Kacyo):-Madaafiic Hoobiyayaal ah iyo garneelada garabka laga gano ayaa maanta lagu weeraray Garoonka Diyaaradaha Magaalada Gaalkacyo Ee Gobolkaasi Mudug.

Madaafici badan ayaa maanta lagu garaacay Garoonka Diyaaradaha Magaalada Gaalkacyo halkaasi oo ay ka soo daganaysay diyuurad Qaad siday taasi oo ay weerar ku qaadeen Koox Maleeshiya ah.

Maleeshiyada weerarka qaaday ayaa waxa ay ahaayeen kuwa ka amar qaadanayay Beel dagan dhanka Koonfurta waxa ayna ka caraysnaayeen lacgo laga qaado diyuuradaha ka soo dago garoonka iyo Derbi dhawaan loo dhisayo garoonkaasi.

Madaafiic ayay maanta ku weerareen Garoonka sida ay cadeeyeen maamulka Garoonka Diyaaradaha Magaalada Gaalkacyo oo sheegay in ay talaabo ka qaadayaan maleeshiyadaasi haddii aanay joojin dhibaatada.

Waxaa badbaaday diyuurad qaad waday oo xiligaasi garonka ka soo dagatay taasi oo la kulantay duqeynta ay samaynayeen Maleeshiyaadka Beesha ee diidan shaqada garoonka ka socota iyadoo aan la qancin.

Maareeyaha garoonka diyaaradaha ee Magaaladsa Gaalkacyo Xuseen Dhagadheere ayaa sheegay in uu ka xunyahay dhibaatada kooxda ay dhaliyeen waxa uuna ku baaqay in ay joojiyaan dhibaatada.

Maamulada Puntland iyo Gal Mudug ayaa la filanayaa in ay go’aan ka gaaran maleeshiyada caraysan oo duqeyn ka geystay garoonka Magaalada Gaalkacyo.

Xafiiska www.Bartamaha.Com

Muqdisho-Somalia

Comments

comments