Bartamaha(Muqdisho):-Madaafiicda Taangiga ayaa si toos ah Bakaaraha xiligan ugu dhacaysa iyadoo Ciidamada Amisom maanta oo idil ay u xerantahay Wadada Makka Al-Mukarama.

Wararka xiligan naga soo gaaraya Bartamaha Suuqa Bakaaraha ayaa waxa ay sheegayaan in Taangiyada Ciidamada Amisom ay si garba siman ah u duqeynayaan Suuqaasi.

Dhawaqa Madaafiicda ayaa magaalada oo idil laga maqlayaa iyadoo Suuqa Bakaaraha aanay jirin cid ku hartay marka laga reebo tira yar oo ku gabaadsatay dhismayaasha shubka ah.

Illaa 5-Madfac ayaa mar qura waxa ay ku dhacday Suuqa Khudaarta Bakaaraha halkaasi oo ku aadan Isgoyska Danba oo saaka oo idil uu taagnaa tangi AMISOM ay leedahay.

Dhanka kale Wadada Makka Al-Mukaram ayaa maanta waxaa u madax banan Ciidamada Amisom oo in ka badan 10-Taangi soo dhigtay wadda xiriirisa Garoonka illaa Madaxtooyada.

Lama garan sida ay wax u socdan iyadoo wararka qaar ay sheegayaan in garoonka uu ka soo dagayo Madaxweyne Shariif wallow aan arinaasi la cadeyn .

Wixii ku soo kordha Xaalada Bakaaraha iyo Wadada Makka Al-Mukarama kala soco www.Bartamaha.Com.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments