Bartamaha (Muqdisho) Galinkii dambe ee Maanta ayaa Islaamiyiinta Mucaaradka waxa ay madaafiic ku weerareen Dakada Magaalada Muqdisho oo la sheegay in uu ka dagayo Markab hub u sida Ciidamada Amisom.

Madaafiicda ayaa waxa ay ahaayeen nuuca Moltarada iyadoo ay ku dheceen Dakada Muqdisho iyo gobo ka baxsan kuwaasi oo waxyeela ay ka soo gaartay shacabka iyo shaqaalaha dakada intaba.

Laba Madfac oo ka mid ahaa kuwii Dakada Muqdisho jihadeeda loo tuuray ayaa waxa ay ku dheceen Isbitaalkii Martiine halkaasi oo ay ku noolyihiin Nafada Ciidamadii Xooga Dalka Soomaaliyeed.

Illaa 7-ruux ayaa ku geeriyootay 10-kalana waa ay ku dhaawacmeen ka gadaal labadaasi Madfac oo ku dhacay dhismayaasha gabowga ah Ee  Isbitaalka Martiini halkaasi oo dhibaato nololeed ay horey ugu heysay Ciidamadii ku naafoobay Dagaalkii Itoobiya Ee 1977-dii.

Illaa haatan ma jirto cid ka hadashay qasaaraha ka dhashay madaafiicda galabta lagu garaacay Dakada Muqdisho iyi qasaaraha gaaray Naafadii Ciidamada Xoogii Dalka Soomaaliyeed.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments