Bartamaha(Muqdisho):-Madaafiic u badan Hoobiyayaal ayaa Caawa lagu garaacay xaafado ka mida Magaalada Muqdisho taasi oo sababtay qasaara dhimasho iyo dhaawac leh.

Madaafiic u badan Hoobiyayaal ayaa caawa si xoogan loogu garaacay xaafadaha Degmooyinka Shibis,C.casiis,Kaaraan iyo Boondheere oo dhammaan ah Deegaanada Woqooyiga Magaalada Muqdisho.

Hoobiyayaasha oo caawa fiidkii lagu garaacay xaafadaha magaalada ayaa waxa ay sababeen dhimasho iyo dhaawac dadka shacabka ah soo gaaray waxaana la sheegayaa in dhimashada ay kor u dhaafayso 4-qof dhaawaca 5-kale uu gaarayo kuwaasi oo dhamaan ah dad shacab ah.

Dadka dhaawaca ah ayaa l;agu daad gureeyay gawaarida gurmadka deg dega ah oo loola cararay isbitaalka Magaalada Muqdisho si loo soo dabiibo sida ay sheegayaan dadka goobjoogayasha ah ee caawa ku sugnaa xiliga la garaacayay xaafadaha Muqdisho.

Dhawaanahan waxaa aad u yaraanayay duqeynta loo geysanayay woqooyiga Magaalada Muqdisho tan iyo markii Islaamiyiinta Shabaab ay qabsadeen Xaafado ka mida Shibis iyo Boondheere oo ay ku dhawaadeen Xarunta Villa Somalia.

Xafiiska www.Bartamaha.Com

Muqdisho-Somalia.

Comments

comments