Bartamaha(Afgooye):-Maamulka ururka Xisbul Islaam ee degmada Afgooye ayaa sheegay in ay warar xog ogaal ah ka heleen kooxdii ka danbaysay weerarka sargaalka.

Taliyaha ciidamada Xisbul Islaam ee degmada   Afgooye, Sheekh Maxamed Koonfurow ayaa wuxuu  sheegay in lagu raad joogo cidii ka dambeysay   weerarkaasi, wuxuuna intaa ku daray in sharciga la hor keeni doono cid walba oo loogu shakiyo inay  weerarkaasi ku lug leedahay.

Weerarkan habeen hore ka dhacay degmada Afgooye  waxa uu ahaa        bam gacmeed lala beegsaday sarkaal     ka tirsan maamulka Xisbul Islaam ee degmadaasi.                       

Sh.Maxamed Koonfurow waxa uu xusay in sargaalka la weeraray uu ka badbaaday isku dayga dilka islamarkaana ay ogaadeen koox ka mida raga qaraxa sameeyay.

Taliyaha ciidamada Xisbul Islaam ee degmada   Afgooye ayaa hadalkiisa waxaa uu ku sii daray in degmada lagu dhex dilo doono cid kasta oo hub lagu arko oo aan maamulka Xizbiga ka tirsanayn.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments