Bartamaha(Kismaayo):-Afhayeenka Maamulka Alshabaab Kismaayo ayaa shaaca ka qaaday in ay Saraakiil Kismaayo soo gashay ay abaabulayaan dagaal Mujaahidiinta dhexmara.

afhayeenka Maamulka Kismaayo Sheekh Xasan Yacquub Cali oo la hadlayay Saxaafada aya waxa uu sheegay in aanay dhankood mnasuul ka ahayn dagaal ka dhaca Magaalada Kismaayo.

Sheekh Xasan ayaa sheegay in Saraakiil uu ka mid yahay Sheekh Axmed Madoobe ay soo galeen Magaalada iyagoo aan amar u haysan in Ciidan ay la soo galaan.

Sheekh Xasan Yacquub ayaa muujiyay qatarta ay leedahay dagaal dhexmara Xoogaga Islaamiga ah taasina uu sheegay in dhankooda aanay diyaar u ahayn balse masuuliyada uu dusha u ridanayo Sheekh Madoobe.

Afhayeenka Alshabaab Kismaayo ayaa dhanka kale sheegay in dhankooda aanay wadin wax abaabul dagaal ah balse ay doonayaan nabada iyo daganaanshaha Magaalooyinka ay maamulaan.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments