Bartamaha (Caabud-Waaq):- Dad ma soomayaal ah ayaa saacadihii la soo dhaafay lagu qabqabtay Howlgal ay Ahlu sunnah ka sameeyeen Degmada Caabud-Waaq Ee Gobolka Galgaduud.

Howlgal ay saaka sameeyeen Ciidanha Ahlu sunnah ayaa lagu qabqabtay dad ma soomayaal ah kuwaasi oo raashin ku samaysanayay gudaha Xaafadaha Degmadaasi Caabud-Waaq oo kooxdaasi ay maamusho.

Howlgalka oo Shalay ilaa saaka ay wadeen Ciidanka Ahlu sunnah ayaa waxa ay ku beegsadeen dhalinyaro u badan Ma soomayaal doonayay in ay raashin ku karsadaan gudaha xaafadaha Degmadaasi.

Sargaal u hadlay wadaada Ahlu sunnah ayaa saxaafada u sheegay in dhawaan xukun lagu ridayo dhowr dhalinyara ah oo lagu qabqabtay Howlgal looga hortagayay dadka ma soomayaasha ah gudaha Degmada Caabud-Waaq.

Ma soomayaasha la xexeray ayaa waxa ay haatan ku jiraan xabsi ku yaala Degmada Caabud-Waaq Ee Gobolka Galgaduud waxaana lagu wadaa in xiliyada soo aadan fagaarayaasha ku yaala Degmadaasi xukun lagula rido.

Deegaano badan oo Soomaaliya ah ayaa lagu xerxeray dad badan oo ma soomayaal ah waxaana jiray qaar ka mida oo lagu xukumay Tacsiir gudaha Deegaanada ay maamulaan Alshabaab iyo Xizbul Islaam.

Xafiiska www.Bartamaha.Com Ee Geeska Afrika

[email protected]

Comments

comments