Bartamaha(Muqdisho):-Kooxo hubaysan ayaa xalay waxa ay toogasho ku dileen wiil dhalinyara ah gudaha Xaafad ka mida Degmada Dharkenley Ee Muqdisho.

Xaafada Suuq  Boocle oo ka mida Degmada Dharkeyley ayaa saaka laga qaaday maydka Wiil dhalinyara ah oo xalay ay dileen kooxo hubaysan.

Dadka deegaanka ayaa sheegay in ay maqleen dhawaqa rasaasta ka dib muran xoogan iyadoo saaka ay goobtaasi ku arkeen maydka wiil dhalinyara ah.

In mudda ah oo dadka deegaanka ay garan la’aayeen maydka goobtaasi ay ka haleen ayaa waxaa la sheegay in ay aqoonsadeen dadka yimid meel ka baxsan dagladaasi.

Illaa haatan lama yaqaan sababta keentay dilka wiilkaasi dhalinyarada ah wallow bilihii la soo dhaafay dilka uu ka noqday magaalada Muqdisho mid joogta ah.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments