Bartamaha(Wala-Weyn):-Kooxo hubaysan ayaa la xaqiijiyay in maanta ay rasaas ku dileen nin Darawal ah duleedka Degmada Wala-Weyne.

Kooxaha dilka gaynstay ayaa la sheegay in ay ahaayeen Burcad wadada u gashay laba gaari oo nuuca rakaabka ah kuwaasi oo baarasho ay kula dhaqaaqeen islamarkaana ay dileen mid ka mida Darawaladii gawaaridaasi.

Dilka ayaa la sheegay in uu yimid ka dib markii Burcada ay dalbadeen in Darawalka uu soo saaro lacago ay sheegeen in uu qariyay balse taasi ay sabab u noqotay in Darawalka rasaas lagu furo.

Xaalada Ammaanka wadada u dhexeysa Sh.hoose iyo Bay ayaa waxa dhawaanahan ay ahayd mid xasiloon balse xiliyada howlgalada Islaamiyiinta ay soo afmeeraan ayaa waxa dib u bilowda kooxaha qaska wada wadadaasi.

Xafiiska Bartamaha Wararka Soomalaiyeed www.Bartamaha.Com

Muqdisho-Somalia.

Comments

comments