Bartamaha(Muqdisho):-Kooxo ka qowleysata wadada isku xerta Gobolada Hiiraan iyo Sh/dhexe ayaa waxa ay rasaas dhimasho iyo dhaawac sabatay waxa ay ku fureeg gaari marayay wadada Deegaanka Buurane Ee Gobolkaasi.

Kooxahaasi Burcada Hubaysan ah ayaa waxa ay rasaas aan loo meeldayin ku fureen gaari nuuca rakaabka ah kaasi oo ku sii jeeday Degaanka Gaal-kacyo Ee Gobolka Mudug iyadoo ay ugaleen wadada duleedka magaalada Jowhar ku aadan ee Buurane.

Inta la ogyahay waxaa rasaastaasi ku geeriyooday ilaa 2-ruux oo mid ka mida uu dhaawac ahaan u dhintay ka dib markii ay adkaatay in la gaarsiiyo goobaha Caafimaadka iyadoo dhaawaca ay ahaayeen 3-ruux oo ay ku jirtay haweenay oo Saygeeda ku dhintay gaarigaasi la rasaaseeyay.

Kooxihii arxanka darnaa ayaa waxa ay baarasho kula dhaqaaqeen gaariga ay rasaasta ku asqeeyeen iyadoo ay dhaawaca iyo dhimashada dadka ay gaartay ay sidoo kale wax ka qaateen alaabihii ay wateen taasi oo la yaab ku abuurtay dadkii deegaanadaasi daganaa.

Deegaanka uu falkaasi ka dhacay ayaa waxaa gaaray qaar ka mida ciidamada kooxda Alshabaab kuwaasi oo u gurmaday dadkii ay bwaxyeelada gaartay kuwaasi oo ay qaarkood gawaaridii ay wateen Ciidamada loogu soo qaaday Isbitaalka Magaalada Jowhar.

Xafiiska Wararka Soomaaliyeed www.Bartamaha.Com

Muqdisho-Somalia.

Comments

comments