Kooxda qaylodhaan, Qaar ka mida fanaaniinta Qaranka iyo Haweenka Soomaaliyeed ee ku nool magaaladda London , waxey ugu bishaareynayaan dadweynaha Soomaaliyeed ee ku nool magaalada London iyo nawaaxigeeda, in ay qaban doonaan xaflad lagu maamuusayo 50 guuraddii xoriyaddii Soomaaliya.
Xafladaas oo ka koobnaan doonta hadal iyo heeso, waxey fanaaniintu idin ka ballaan qaadayaan in ay maqsuud idin ka dhigi doonaan habeenkaas aadka ugu weyn Ummadda Soomaaliyeed, iyagoo qaadaya heeso cusub oo munaasabada loogu talagalay iyo heesihii wanaagsanaa ee aad horay uga barateen.

Dhagayso Heesta

Su’aasha aad isweydiineysaan waxey tahay: Goormaa la dhigayaa?; Meeshee iyo imisaa ayaa lagu galayaa?

Xafladda waxaa la qaban doonaa, hadduu Alle idmo, labada bisha July ( 2/7/2010) oo ku beegan maalinta Jimcaha ee sannadkaan, saacaddu markey tahay 6da pm ilaa 1da habeenimo(ama subaxnimo).
Waxaa lagu qaban doonaa: Irish cultural and Community Centre, Pretoria Centre,Tottenham, London N17 8DX.
Jooqle oo ah iskuduwaha barnaamijkaan, wuxuu shacabka Soomaaliyeed ugu bishaareynayaa in ay dadweynuhu lacag la’aan ku soo galayaan ama bilaash.
Balse hal shuruuda ayaa dabataal, qofkii doonaya in uu ka soo qaybgalo munaasabadda waxaa laga codsanayaa in uu taleefoon u soo diro gudiga qabanqaabada ka hor inta uusan imaan xafladda. Taleefoonada gudiga qabanqaabada waa kuwaan: 07944182944 iyo 07940356377 .
Sidaas iyo sannad guuro wanaagsan.
NB: Ugu dabaaldeg maalinta xoiyada dalkaada bilaash balse hore u soo qaado calanka Soomaaliya, tani waa markii ugu horeysay taariikhda faniinta Soomaaliyeed markii dalka burburey beeso la’aan bilaash xaflada maalinta Qaranimada dalkooda ku muujiyaan iyagoo cidi waxbo waydiisan, waan uga mahadcelinayaa kooxda Qeylodhaan iyo fanaaniinta la mid ah ee wadaniyada ku hartey.

W/D: Yusuf Yusuf

Comments

comments