Bartamaha (Jamaame) Ciidamada Alshabaab ayaa maanta howlgalo qabuura dumin ah ku dhaqaaqay Deegaanka Jamaame Ee Gobolka Jubada Hoose .

Howlgalka  qabuura duminta ah ayaa waxa uu ahaa mid aad u xoogan oo ay sameeyeen Ciidamo badan oo ka mida Alshabaab iyadoo saraakiil sare ay goob jog ka ahaayeen.

Madaxa ka hortaga Shirkiga iyo kala qeybinta Towxiidka Sheekh Siciid Karakataay ayaa shaaca ka qaaday in ay guula ka gaareen baabi’inta dinbi ka socday Jamaame.

Karakataay ayaa sheegay in ay arkeen waxyaaba shareecada Islaamka ka baxsan gacantoodana ay ku suuliyeen dinbigaasi ka jiray Qabuura Jamaame.

Sargaalkaasi ayaa sheegay in ay Jajabiyeen Qabuura dhisan oo dad badan ay Caabudayeen sida uu sheegay islamarkaana ay dhulka ka mid dhigeen qabuurahaasi.

Madaxad ka hortaga Shirkiga ayaa ku hajbay in ay beegsan doonaan deegaano badan oo qabuuro ay ku yaalaan oo lagu caabudo Wadaado dhintay .

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments