Bartamaha (Ceel-Bacad) Xarakada Alshabaab ayaa la sheegayaa in ay hishiisyo buuxa la gashay beesha Daa’uud oo ka mida beelaha gobolkaasi Sh/dhexe ka dib wada hadal in mudda ah socday.

Wararka naga soo gaaraya Gobolka Sh.dhexe ayaa sheegaya in shalay galinkii danbe ay hishiisya kala sixiixdeen Saraakiisha Alshabaab iyo odayaasha Beesha Daa’uud Wacbuudhan Abgaal .

Hishiiska u dhexeeya Alshabaab iyo Beesha Daa’uud ayaa lagu macneeyay mid ka tarjumaya wada shaqeynta Ammaanka iyo iskaashiga xagga nabada labada dhinac iyadoo Alshabaab loo fasaxay in ay soo galaan deegaanada beeshaasi ay dagto.

Nabadoon Xasan Ugaas Cabdule oo ah nabadoonka beeshaasi ayaa waxa uu saxaafada u sheegay in ay labadooda isla meel dhigeen in ammaanka laga wada shaqeeyo islamarkaana beeshu ay ogolaato shaqooyinka ay wataan kooxda Alshabaab.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments