Bartamaha(Wabxo):-Ciidamo ka tirsan Koxda Ahlu sunnah wal-jamaaca ayaa la xaqiijiyay in ay la wareegtay gacan ku haynta deegaanka wabxo Ee Duleedka Deegaanka Ceel-Buur dhacda.

Afhayeen u hadlay Kooxda Ahlu sunnah wal-jamaaca ayaa saxaafada u sheegay in deegaankaasi ay la wareegeen Ciidamada Ahlu sunnah ka dib markii halkaasi dagaal kooban looga saaray Ciidamada Alshabaab .

Shekh C/laahi C/raxmaan Abulqaadi oo warfidiyeenada la hadlayay ayaa waxa uu sheegay in Ciidamada Alshabaab ay deegaankaasi ka saareen islamarkaana ay qasaara gaarsiiyeen.

Warar madax banana ayaa muujinaya in deegaankaasi aanay wax dagaal ah labada dhinac ku galin iyadoo Kooxda Alshabaab ay halkaasi isaga guureen iyadoo aanay wax dagaal ah galin.

La wareegitaanka Kooxda Ahlu-sunnah Ee Deegaanka Wabxo ayaa imaanaysa xilli maalmihii la soo dhaafay ay dagaala ka jireen deegaano ka mida Gobolga Gal-gaduud.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments