Inta la ogyahay laba qof ayaa ku dhintay tiro ka badan toban qof oo kalena way ku dhaawacmeen dab ka kacay goob shidaalka lagu kaydiyo oo ku taalla agagaarka dhismaha Say-biyaano ee degmada Hodan ee Magaalada Muqdisho.

Dabkan oo aan la ogeyn wixii sababay ayaa wuxuu burbur xooggan u geystay garaashyo lagu kaydiyo shidaalka iyo dhismayaal isugu jiray kuwo ganacsi iyo kuwo deegaan ah oo ku dhawaa goobta uu dabku qabsaday.

Shacabkii ku noolaa guryaha ku dhow goobta uu dabku ka kacay ayaa bilaalay inay isaga cararaan guryahooda, iyagoo ka baqdin qaba inuu dabku soo gaaro, maadaama guryo ku dhowr halkaas ay gubteen.

Dukaamada ganacsiga iyo bakhaarro ku dhow isla goobtaas ayaa waxaa laga daad-gureynayaa alaabooyinkii yaallay, iyadoo dabkuna uu ahaa mid si aad ah u fidiyay, inkastoo hadda la hakiyay.

Ciidammo fara badan oo kuwa dowladda ah ayaa ku sugan goobta kuwaasoo ka ilaalinaya dadku inay galaan halkaas, waxaa sidoo kale ku sugan ciidamo dabka la dagaalama, kuwaasoo ku howlan inay dabkaas damiyaan.

Comments

comments