Bartamaha(Caabud-Waaq):-Ciidamada Kooxdsa Ahlu sunnah ayaa qabtay gaari yar oo laga soo buuxiyay dhalooyinka Khamriga nuucyadiisa kaasi oo ka yimid dhanka Ethiopia.

Gaariga ayaa waxa uu waday Khamri kala duwan waxaana gacanta ku dhigay Ciidamada Ahlu sunnah xilli uu soo galayay gudaha Degmada Caabud Waaq Ee Gobolka Galgaduud.

Khamriga ayaa la geeyay Xarunta maamulka waxaana la hayaa oo kaliya darawalka gaariga iyadoo ay baxsadeen raggii lahaa khamriga oo la sheegay in lo waday Burcad Badeeda.

Ragga Burcad Badeeda ayaa la hadal haayaa in ay lahaayeen Khamriga oo ay ka soo iibsadeen Magaalada Addis Ababa ee Dalka Ethiopia si ay u siiyaan shaqaalaha maraakiibta ay haystaan oo dalabka leh cabsita Khamriga.

Sargaal Ahlu sunnah u hadlay ayaa wacad ku maray in ay gubayaan Khamriga ay haatan hayaan maadaama raggii soo iibsaday ay isaga carareen si aanu xukun ugu dhicin.

Xafiiska www.Bartamaha.Com

Muqdisho-Somalia

Comments

comments