Cusbitaalka Madiina ee Magaalada Muqdisho waxaa la geeyay ilaa galabta in ka badan 55-qofood oo waxyeelo ka soo gaartay iska horimaadyadii manta ka dhacay qeybo ka mid ah Magaalada Muqdisho.

Agaasime ku xigeen ka Cusbitaalka Madiina Daahir Max’ed Max’uud Daahir Dheere oo la hadlayay Idaacada Shabelle ayaa sheegay in 55-taan ruux ay isugu jireen Caruur iyo dad da’ah waxaana uu tilmaamay in hal ruux uu u geeriyooday dhaawicii manta soo gaaray.

Garoonka dedan ee Stadium Muqdisho oo fariisin ay ku leeyihiin xoogaga Maxkamadaha Islaamiga ayaa iyana galabta lagu weeraray madaafiic dhowr ah iyadoo aan la sheegin qasaaraha ay geesteen.

Majirto ilaa iyo hadda cid sheegatay madaafiicdaasi wallow haatan ay degantahay goobihii manta ay iska horimaadyadu ka dhaceen oo ay wali isku horfadhiyaan dhinacyadii ku dagaalamay.

Comments

comments