Shabelle: MUQDISHO — Indha Cadde ayaa sheegay in hubkiisa uu wareejiyay isla markaana uu ka fadhiistay howlaha soconaya.

Sheikh Yuusuf Max’ed Siyaad (Indha Cadde) oo xalay wareysi siinayay idaacada shabelle ayaa waxaa uu sheegay in hubkiisii uu lahaa uu ku wareejiyay nin walaakiisa ah kaasi oo uu ka gaabsaday in uu magaciisa shaaciyo,basle uu tilmaamay in masuuliyada hubkiisa uu si rasmi ah ugu wareejiyay isla markaana uu ka fadhiistay howlaha hada soconaya.

Indha cadde ayaa waxaa uu ka gaabsaday in walaalka uu hubkiisa ku wareejiyay uu ka mid yahay dhinacyada dagaalamaya iyo in kale.

Shiikh Yuusuf Max’ed Siyaad (Indha Cadde) ayaa mar Ay shabelle wax ka weydiisay in uu ka qeyb qaatay dagaalada ka dhacay magaalada Muqdisho ayaa waxaa uu ku jawaabay in uusan dagaaladaasi ka qeyb qaadan.

“Een Walaaloow aniga kama qeyb qaadan dagaalada socday,dowladana waxaa ka aaminsanahay go’aanka ay hay’ada culimada ka soo saartay,walaalaha Mucaaradkana waan ku kala aragti duwanaanay dagaalka” ayuu yiri Indha Cadde.

In kastoo sheikh Indha Cadde uu sheegay in hubkiisa uu ku wareejiyay nin walaal ah ayaan hadana la ogeyn halkii uu ku danbeeyay heshiiskii horudhaca ahaa ee ay wada gaareen dowalada kmg iyo Garabka uu ka tirsanaa Indha Cadde,waxaana hadalka Indha Cadde uu ka danbeeyay kadib markii fariisimo ay ku sugnaayeen ciidamadii dowlada ay siyaabo kala duwan ula wareegeen xoogaga ka soo hor jeeda kadib dagaalo maalmo xiriir ah ka soconayay xaafado ka mid ah magaalada Muqdisho.

Comments

comments