Bartamaha (Ceelasha-Biyaha):-Ciidamada Kooxda Xizbul Islaam ayaa xalay sameeyay Howlgalkii ugu balaarnaa gudaha Xaafadaha kala duwan ee Ceelasha Biyaha.

Ciidamada Xisbul Islaam ayaa howlgalka ay sameeyeen waxa ay ku soo qabqabteen kooxo dablay dhac ka geysanayay gudaha Deegaanada loo barakacay.

Taliyaha ciidanka Xisbul Islaam ee deegaanka Lafoole Ibraahim Max’ed Cabdule “Ganey”  ayaa shaaca ka qaaday in ay qabteen Koox dablay ah kuwaasi oo dhac xalay ka geystay goobo ganacsi oo ku yaalay gudaha Ceelasha Biyaha.

Ciidanka ayaa waxa ay soo qabteen sida Taliyaha sheegay 3-nin oo hubaysan kuwaasi oo dhawaanahan dhac ka waday deegaanada loo barakacay gudaha Ceelasha Biyaha.

Howlgalka ay sameeyeen Ciidanka Xizbiga ayaa dadka deegaanka ay sheegeen in uu sababay dhaawac laba ka mida Ciidanka Kooxdaasi markii rasaas ay isdhaafsadeen labada Kooxood.

Xafiiska www.Bartamaha.Com

Nairobi –Kenya.

Comments

comments