Iyadoo wali ay socdaan rabshado uu dhiig badani ku daatay, Masar ay gashay xaalad qallafsan ayaa ciidamada ammaanka ee dalka Masar ay xabsiga dhigeen Hogaamiyaha sare ee ururka Ikhwaan musliinka.

Wasiirka arrimaha gudaha Masar ayaa sheegay in hoggaamiyihii ururka Ikhwaanul Muslimiiin, Maxamed Badiic la xiray maanta oo Salaaso ah, kaddib isku dhacyo dhexmaray ciidamada ammaanka iyo taageerayaasha madaxweynihii xukunka laga tuuray ee Maxamed Mursi.

Wasiirka ayaa sheegay in Badiic uu ka mid ahaa boqolaal dibadbaxayaal ah oo lagu qabtay meel ku dhow fagaaraha Rabiic Al-Cawadiyah, halkaasoo ay ku dhinteen 900 qof oo ay ku jiraan 100 ka tirsan ciidamada booliiska dalka Masar intii ay rabshaduhu ka socdeen magaalada Qaahira.

Hoggaamiyahan oo 70-jir ah ayaa waxaa xarigiisa soo dhaweeyay qaar ka mid ah taageerayaasha xukuumadda uu milaterigu taageerayo, iyagoo ku tilmaamay mid habacsanaan ku keeni karta dibadbaxyada ay dhigayaan taageeraya madaxweynihii talada laga tuuray.

Comments

comments