Bartamaha — Warar Dheeraad ah ayaa kasoo baxaya Mudaaharaad maanta magaalada Baydhabo ka dhacay kaas oo ay soo qaban qaabiyeen xoogaga Islaamiyiinta ah ee maamulo gobalada Bay iyo Bakool.

Mudaaharaadka oo markii hore lagu dukaday Salaada Roob-doonka ayaa markii dambe noqday mid Siyaasadaysan oo lagu Weeraray Siyaasadda Dowlada Federaalka Soomaaliya iyo AMISOM.

Muuqaallo lagasoo qaaday magaalada Baydhabo ayaa muujinaya Haween Bastoolad ku tooganaysa Sawirka Madaxweyne Shariif iyo Madaxweynaha Uganda oo saaxiib la ah Madaxweyne Shariif.

Saraakiisha Maamulka Islaamiga Bay iyo Bakool waxay Garoonka Dr.Ayuub ka sheegeen in Haweenka magaalada Baydhabo ay diyaar u yihiin Dagaal hadii ay Baydhabo iyo gobalada ku xeeran soo galaan AMISOM iyo kuwa TFG.

Sheekh Mahad C/qaadir oo ah Gudoomiyaha Gobalada Bay iyo Bakool u qaabilsan Al Shabaab ayaa sheegay in ay diyaar u yihiin dagaal furan oo ay la galaan Ciidamada AMISOM.

Dad Badan ayaa layaabay sababaha xiligan keenay in Baydhabo si fool xun Sawirka Madaxweyne Shariif Loogu gubo iyadoo la ogaa in uu mar ahaa Hogaamiye Islaami ah oo Koonfurta Somalia soo maamulay, hadlka Dadka qaar ay aaminsanyihiin iyo Shariif ka leexday wadadii ay Dadku ku taageerayeen.

Si kastaba ha ahaatee magaalada Muqdisho iyo gobalada kale ayaa si weyn looga hadal hayaa Falkii maanta ka dhacay magaalaa Baydhabo ee lagu Gubay Sawirka Madaxweyne Shariif Sheekh Axmed.

Comments

comments