Bartamaha (Muqdisho):- Gudoonka Baarlamanka ayaa shaaca ka qaaday in aanay ogayn wafdi Baarlamanka ka socda oo gaaray Deegaanada Puntland ka dib shalay kulan ka dhacay Xarunta maamulkaasi ee Garoowe.

Gudoomiye ku xigeenka labaad ee Barlamanka kMG ee Soomaaliya Cusmaan Cilmi Boqore ayaa sheegay in aanay wax wafdi ah u dirsan Degaanada Puntland balse ay shalay ka maqleen Warbaahinta Dalka Wafdi la kulmay Madaxda Dowlada Goboleedka Puntland.

Boqore ayaa sheegay in aanay jirin wax metali kara Baarlamanka oo loo diray Deegaanada Puntland wallow ay Xildhibano 10 mudane ah la kulmeen madaxda Dowlada Goboleedkaasi sida uu sheegay masuulkaasi.

Gudoomiye Xigeenka Baarlamanka ayaa ugu baaqay Puntland in ay xiriirka iyo wada shaqeynta si toos ah ula yeelato Madaxda sare ee Baarlamanka soomaaliya oo u diyaarsan wanaajinta maamulkaasi.

Shalay galinkii danbe ayaa waxaa kulan balaaran Magaalasa Garoowe ku yeeshay Mudanayaal Baarlamaanka soomaaliya ka mid ah iyo Madaxda sare ee Puntland kaasi oo albaabyada loo xeray wallow la sheegay in looga hadlay wanaajinta Xiriirka.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments