Mugadishu  khamiis, 14 May 2009

Maxamed Cumar Xabeeb (M/Dheere) iyo wafdi uu hoggaaminayo ayaa saakay ka soo degay garoonka diyaaradaha caalamiga ah ee Aadan Cadde International Air Port, iyadoona halkaasi ay ku soo dhoweeyeen xubno saaxibadiis ah oo qaarkood ka tirsan Dowladda midnimada Qaranka Soomaaliya.

Ex-Guddoomiyihii hore ee maamulka G/Banaadir Maxamed Cumar Xabeeb (M/Dheere) ayaa loo soo galbiyay guri looga sii diyaariyay magaalada Muqdisho kaasi oo aad u weyn, isagoona durbadiiba kulamo kala gooni gooni ah la yeelanaya madaxda qeybaha kala duwan ee Dowladda.

Maxamed Dheere ayaan ilaa iyo haatan si rasmi ah u shaacin ujeedada socdaalkiisa, iyadoona la filayo in qeybaha Warbaahinta uu faahfaahin uga bixiyo dib u soo laabashadiisa, xilli magaalada Muqdisho ay ka socdaan dagaaladii ugu xumaa oo u dhaxeeya dowladda midnimada Qaran iyo kooxda Al-Shabaab oo xulafo la ah Xisbul Islaam.

Dhinaca kale dadweynaha magaalada Muqdisho ayaa durba iyagu aragtiyo kala duwan ka bixiyay imaatinka Maxamed Dheere waxa xilligan ku soo beegay, waxayna dadka qaarkii welwel ka muujiyeen soo laabashadiisa oo ay sheegeen inay ku soo daba joogaan ciidamada Itoobiya oo saaxib dhow ay yihiin.

Somaliweyn Media Center “SMC

Comments

comments