Dagaallada oo ahaa kuwa Xoogan oo u dhexeeyay Ciidamada Dowladda oo garab ka helaya Ciidamada Ethiopia iyo Al Shabaab ayaa xalay waxa ay ka dhaceen deegaanno hoosyimaada Degmada Qansaxdheere ee Gobolka Bay.

Ciidamada Dowladda iyo Kuwa Ethiopia ayaa la sheegay in dagaalka ay qaadeen  kuwaasi oo ay la beegsadeen fariisimo ururka Al Shabaab ay ku leeyihiin deegaanno ka tirsan Gobolkaasi Bay.

Dhinacyada Dagaalamay ayaa isu adeegsanayay dagaalladaasi oo socday Muddo dhowr saacadood ah Hubka culus iyo midka fududba, waxaana dagaaladaasi ay geysteen khasaaro isugu jirta dhimasho iyo dhaawac soo kala gaaray dhinacyadii dagaalamayay.

Dhimashada rasmiga ah ee dagaalladan ayaan la sheegi karin iyadoo labada dhinac ee dagaallantay uu mid walba guulo ka sheegtay dagaalka.

Wariyaha gobolka Bay ugu soo warramada Bartamaha ayaa sheegay in xiriir uu la sameeyay dad deegaannadaas ka agdhow uu ku ogaaday in qaar kamid ah dhaawacyadii dagaalka loo soo qaaday magaalada Baydhabo ee xarunta gobolka Bay.

Comments

comments