Bartamaha (Galgala):- Qarax Miino oo barqanimadii maanta ka dhacay agagaarka Buurta Galgala ayaa sababay dhimasho iyo dhaawac soo gaaray Cidianka Puntland iyadoo uu gubtay gaarigii la qarxiyay.

Qaraxa Miinada ah ayaa lala beegsaday gaari Nuuca Waaraadka ah oo Sahay iyo Saanad Militari u waday Ciidanka Puntland kaasi oo Miinada ay kula kacday agagaarka Buurta Galgala oo dhawaanahan dagaal uu ka dhacayay.

Gaariga ayaa guud ahaan gubtay waxaana halkaasi ku naf waayay 3-askari oo mid ka mida uu ahaa Darawalkii gaariga Sanaada u siday Ciidanka Puntland waxana goobtaasi gaaray saraakiil iyo Ciidan ka tirsan Puntland.

Warar hor dhac ah oo warbaahinta soo gaaray ayaa sheegaya in Qaraxa uu ahaa Miino dhulka la galiyay taasina ay sahashay in gaariga uu ku gubto xilli uu marayay dalcada Buurta Galgala oo ay meel aan ka dheereen daganaayeen Askarta Puntland.

Xaalada Buurta ayaa kacsan waxaana Ciidanka ay bilaabeen Howlgal ay ku raad raacayaan Kooxdii dhigtay Miinada lagu gubay gaariga saanada u siday Askarta Jiida hore ku jirta ee ku sugan Buurta Galgala.

Ma jiro wax war ah oo ka soo baxay Saraakiisha Hogaaminaysa Howlgalka lagula dagaalamayo Sheekh Atam iyo Kooxdiisa ee ku jirta dhulka Buuralayda ah waxaana la sheegayaa in Cidianka ay xalay isaga soo baxeen dhul badan oo Buurta Gaggala ka tirsan wallow arintaasi aanay wax hadal ah ka soo saarin Saraakiisha Puntland.

Xafiiska www.Bartamaha.Com Ee Geeska Afrika

[email protected]

Comments

comments