Bartamaha(Muqdisho):-Ciidamada Amisom gaari nuuca qafilan oo ay lahaayeen ayaa shalay galinki danbe jiiray gari nuuca raaxada oo marayay wadada Makka Al-Mukarama Ee Muqdisho.

Gaariga ay leeyihiin Ciidamada Amisom ayaa la sheegay in uu gadaal uga yimid gaari nuuca raaxadaha oo ahaa MARK2 kaasi oo dhinac uu ka jiiray gaariga qafilan ee Amisom ay lahaayeen.

Illaa 4-ruux ayaa dhaawacyo culus ka soo gaaray gaariga dulmaray kuwaasi oo 1-ka mid ah ay Isbitaalka ugu dhinteen dhaawacii ka soo gaaray gaariga dul maray gaariga kale Wadada Makka Al-Mukarama ee Muqdisho

Lama oga sababta ka danbeysay in gaariga Ciidamada Amisom ee si bareer ah u dul jiiray kana talaabay gaariga nuuca raaxada ah oo la xaqiijiyay in ay saarnaayeen 4-ruux oo madax Dowlada gacan saar la leh ay ku jireen.

Ciidamada Ethiopia gawaaridooda Oralada ayaa waxaa lagu xasuustaa shilalka nuucaani oo kale ah kuwaasi oo badanaa lagu sheegi jiray cadownimo buuxda oo askartaasi u qabeen dadka shacabka ah.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments