Bartamaha (Garoowe):- Madaxweynaha Dowlada Goboleedka Puntland ayaa aad u Cambaareeyay dagaalada MNaalintii 6-aad galay ee ka holcaya Caasimada Muqdisho.

Madaxweyne C/raxaam Sheekh Maxamuud Faroole waxa uu si weyn u Cambaareeyay dagaalada ka sii socanaya Magalaada Muqdisho isagoo ku Eedeeyay Kooxda Alshabaab in ay masuul ka tahay dhibaatada taagan.

Madaxweyne Faroole waxa uu xusay in Alshabaab ay xilli waliba qas ka wadaan guud ahaan dalka Soomaaliya islamarkaana ay doonayaan in dhibaatada soomaaliya ay noqoto mid sii balaarata xilli walba.

Faroole waxa uu si qoto dheer uga hadalay Ujeedooyinka shabaab ee dagaalada ay ka wadaan guud ahaan soomaaliya waxa uuna xusay in ay doonayaan in Umada Soomaaliyeed ay dhibaata ku sii jirto isagoo si gaar ah u soo qaatay dagaalada ay ka bilaabeen Buuralayda Galgala.

Madaxweynaha waxa uu Alshabaab ku tilmaamay dad aan diin lahayn oo doonaya dhibaataynta shacabka Soomaaliyeed waxa uuna ugu baaqay dadka reer Muqdisho in ay jiho uga soo wada jeestaan kooxdaasi.

Cambaaraynta dagaalada ee Dowlada Puntland ayaa imaanaysa xilli xaalada caasimada ay weli xuntahay islamarkaana dhimashada dadka maatada ah ay kor u sii dhaafayso 150-ruux dhaawaca aanu xisaab iyo xad lahayn.

Xafiiska www.Bartamaha.Com Ee Geeska Afrika

[email protected]

Comments

comments