Bartamaha(Muqdisho):-Dabkii Xooganaa ee xalay ka kacay Suuqa Bakaaraha ayaa dhaliyay qasaara dhimasho iyo dhaawac iyo hanti qasaartay intaba.

Warar Xaqiiqda u dhow ayaa sheegaya in qarax uu ka dhacay Xarunta Shidaalka meel aan ka dheereen sidaana uu dabka uga kacay goobta shidaalka.

Qaraxa ayaa waxaa la sheegay in uu ahaa mid ka fakaday Koox Islaamiyiinta ka mida oo ku sugnayd suuqa Dawada Ee Bakaaraha.

Qaar ka mida Ganacsatada Bakaaraha gaar ahaan dad ay hantidooda ku gubatay Suuqaaasi ayaa waxa ay sheegeen in loo xaqiijiyay in dabka uu ka dhashay walxaha qarxa oo goobta ka dhacay.

Ma jiro  cid sheegatay in ay ka danbaysay qaraxa ka dhacay goobta shidaalka taasi oo dhalisay qasaara ka weyn qaraxa maadaama hanti badan ay ku basbeeshay goobtaasi.

Inta la ogyahay waxaa dhintay 3-ruux oo maydkooda laga helay goobta uu dabka qabsaday kuwaasi oo la garan waayay sida ay sheegeen dadka saaka ku baxay goobta dabka qabsaday.

Islaamiyiinta Ciidamadooda ayaa maanta oo dhan ku sugnaa goobta uu dabka ka kacay iyadoo illaa xalay ay wadeen howlo ammanka lagu sugayay.

Kooxda Xizbul Islaam ayaa Amisom ku Eedeysay in ay ka danbeeyeen qaraxii uu ku gubtay Suuqa Bakaaraha qeyb shidaalka lagu Iibiyo iyadoo ay ku sheegeen in uu ahaa taangi ay soo rideen AMisom.

Isku soo duub waxaa la ogsoonyahay in la maqlay dhawaqa Madfac inta aanu dabka bilaaban kaasi oo la aaminsanyahay in uu ka qarxay goobta shidaalka meel aan ka dheereen.

 

 

 

 

 

 

 

 

 

 

 

 

 

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments