Bartamaha (Muqdisho) Afhayeena u hala hadlay Ciidamada Dowlada iyo Xoogaga Mucaaradka ayaa guula ka kala sheegtay dagaaladii qaraaraa Ee Saaka ka dhacay Magaalada Muqdisho iyadoo hanjabaadyo ay isku jeediyeen labada dhinac.

Sheekh C/risaaq Maxamed (Qeylow) oo ah Afhayeenka Ciidamada Daraawiishta Dowlada Fd Soomaaliya ayaa sheegay in dagaalada saaka dhacay aya ahaayeen weeraro0 ka yimid dhanka Mucaarad.a

Afhayeenka ayaa sheegay in ay ku guuleysteen iska caabinna ay ku sameeyeen kooxaha weerarka soo qaaday oo uu sheegay in ay hub kala hareen ragna ay ka dileen sida uu hadalka u dhigay.

Dhanka Kooxda Xizbul Islaam Afhayeen u hadlay oo lagu magacaabo Maxmed Cismaan Aroos ayaa sheefay in dagaalada saaka ay xoogagoodsa ahaayeen kuwa iska cabin ah ka dib markii Ciidamada dowlada ay isku dayeen in ay isku soo fidiyaan xaafado magaalada ka mida.

Maxamed Aroos afhayeenka dhanka Howlgalada Xizbul Islaam ayaa sheegay in dagaalada ay ciidamadooda  ku guuleystaan ka dib markii uu tilmaamay ay qabsaden fariisinada Ciidamada Dowlada Wadada Sayidka.

Isku soo duube guula kala sheegashada labada Ciidan ayaa noqonaysa mid shacabka dhimashada iyo dhawaca ay ka soo gaartay .

Xafiiska Bartamaha Wararka Soomaaliyeed www.Bartamaha.Com

Muqdisho-Somalia

Comments

comments