Doon u rarnayd ganacsato Soomaaliyeed oo ka tagtay dekedda Berbera ayaa ku dagtay badda u dhexeysa Soomaaliya iyo Yemen.

Waxaana doonidan ay wadday xoolo loo iib gaynayay wadamada carbeed.

Wararka ayaa sheegaya in doontan ay kusii jeedday xeebaha dalka Yemen ay wadday xoolo isugu jira Lo’ iyo ari kuwaasoo tiradooda lagu sheegay inay gaarayeen 2754 neef.  Xoolahan ayaa waxay doonidan ka qaaday dekedda Berbera iyadoo badda lagu la’aa saddexdii maalmood ee lasoo dhaafay, balse doomo badda cas soo maray ayaa sheegay inay arkeen burburka doonidaas.

Sidoo kale, doonida waxaa la socday 12 qof oo isugu jiray naaquudayaal iyo rakaab ka raacay Barbara, waxaana lagu la’yahay badda doonidii iyo xoolihii noolaa ee ay wadday iyo weliba dadkii la socday oo ay loo malaynayo inay geerriyoodeen.

Comments

comments