Bartamaha(Marka):-Magaalada Marka ee Xarunta Gobolka Sh/hoose ayaa lagu arkay diyuurado joog hoose ku duulaya oo qalqal galiyay dadka magaalada.

Duhurnimadii maanta ayaa waxaa Hawada Magaalada Marka lagu arkay diyuurado joog hoose ku duulayay kuwaasi oo qalqal iyo cabsi ku beeray shacabka reer Marka.

Dadka ku dhaqan Marka ayaa www.Bartamaha.Com u sheegay in ay maqlayeen rasaas ay Alshabaab la beegsanayeen diyuurado Laba ahaa oo dul heehaabayay hawada Magaalada Marka.

Diyuuradaha oo nuucooda lagu sheegay Helcopetrs ayaa waxa ay ku dul meeraysanayeen hawada Magaalada Marka waxaana jawiga is qabsaday Lidka Diyaaradaha iyo garneelo lagu ridayay diyuuradahaasi.

Ma jiro wax Jawaab ah oo ka soo baxay diyuuradaha la doonayay in la beegsado xilli ay dul heehaabayeen Magaalada Marka oo hawada baneeyay markii la weeraray.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments