Bartamaha (Boosaaso) Diyaarado Jawi hoose ku socda ayaa maalintii labaad lagu arkayaa Magaalada Boosaaso halkaasi oo shacabka ku dhaqan cabsi ka muujiyeen diyuuradahaasi aan la garan ujeedadooda.

Diyuuradaha lagu arkay Magaalada Boosaaso ayaa waxa ay yihiin kuwa u badan nuuca Helcopterska kuwaasi oo jog aaad u hooseeya ku dul maraya Magaaladaasi Boosaaso iyadoo aanay jirin wax faah-faahin ah oo laga hayo diyuuradaha.

Shacabka ku dhaqan Boosaaso ayaa waxa ay yihiin kuwa dusha sare u eegaya si ay u ogaadaan waxa ay yihiin diyuuradaha dul meeraysanaya Magaalada Boosaaso iyadoo caruurta ay cabsi la soo derestay xiligan diyuuradaha marayaan hawada Magaaladaasi.

Diyuuradaha ayaa waxa ay yihiin kuwa ka soo kacaya Maraakiibta shisheeye eek u sugan Xeebaha Maamulka Puntland oo la sheego in ay baacsanayaan Burcad Badeeda wallow aan la garan dowlada sida rasmiga ah u leh Maraakiibta ay diyuuradahan ay ka soo kacayaan.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments